Diċembru 2019
Intenzjoni tal Papa għal Diċembru 2019
Biex kull pajjiż ikun determinat u jagħmel minn kollox biex iħares l-ewwel il-futur tal-aktar ċkejknin, speċjalment dawk li qed ibatu.
Avviżi – 01/12/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL- ĦADD 1 TA’ DICEMBRU 2019
Il-Ħamis ikun hawn l-adorazzjoni fil-knisja fis-5:45pm. Fis-7:00pm ssir il-Lectio Divina fiċ-Ċentru Parrokkjali.
Il-Ġimgħa hija l-Ewwel Ġimgħa tax-xahar. Ikollna l-adorazzjoni fil-knisja fis-5:45pm immexxija mill-Grupp tal-Ħniena Divina u l-quddiesa fis-6:30pm.
Is-Sibt huwa l-Ewwel Sibt tax-xahar għalhekk jingħad ir-rużarju meditat wara l-quddiesa tad-9:30am.
Fil-qfief li poġġejna maġenb l-altar qed inkomplu niġbru oġġetti tal-ikel jew affarijiet utli għad-dar biex bħal il-Kummissjoni Djakonija tal-parroċċa tqassam hampers għal żmien il-Milied lil dawk il-familji u persuni fil-bżonn tal-parroċċa tagħna.
Avviżi – 24/11/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL- ĦADD 24 TA’ NOVEMBRU 2019
Illum qed niċċelebraw is-Solennita ta’ Kristu Re. Bħas-soltu ser issir iċ-ċelebrazzjoni Djoċesana li tibda minn ħdejn il-Monument ta’ Kristu Re fl-4:30pm u tkompli b’ċelebrazzjoni fil-Kon-Katidral ta’ San Ġwann il-Belt. Ser nagħmlu trasport li jitlaq mill-Pjazza tal-Balluta fl-4:00pm.
It-Tnejn issir il-laqgħa tal-Grufan fis-7:00pm fiċ-Ċentru Parrokkjali.
It-Tnejn ukoll ser isir kunċert fuq l-orgni tal-Knisja Parrokkjali tagħna fis-7:30pm bħala parti mill-Malta International Organ Festival.
Il-Ħamis ikun hawn l-adorazzjoni fil-knisja fis-5:45pm. Fis-7:00pm ssir il-Lectio Divina fiċ-Ċentru Parrokkjali.
Il-Ġimgħa ssir l-adorazzjoni wara l-quddiesa tas-6:30pm fil-Knisja Parrokkjali mmexxija mill-Kappillan.
Fil-qfief li poġġejna maġenb l-altar qed niġbru oġġetti tal-ikel jew affarijiet utli għad-dar biex bħal kull sena l-Kummissjoni Djakonija tal-parroċċa tqassam hampers għal żmien il-Milied lil dawk il-familji u persuni fil-bżonn tal-parroċċa tagħna.
Avvizi -17/11/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL- ĦADD 17 TA’ NOVEMBRU 2019
Il-Ħamis ikun hawn l-adorazzjoni fil-knisja fis-5:45pm. Fis-7:00pm jkollna l-Lectio Divina fiċ-Ċentru Parrokkjali.
Il-Ġimgħa ssir l-adorazzjoni fil-kappella fis-7:00pm.
Kif nagħmlu kull sena fil-jiem tal-Milied, il-Kummissjoni Djakonija ser tqassam hampers lill-familji u persuni fil-bzonn tal-parroċċa tagħna. Minbarra dak li niġbru minn ħwienet tal-lokal kif ukoll is-sehem tal-parroċċa, maġenb l-altar poġġejna qfief sabiex fihom min jixtieq jista’ jpoġġi affarijiet tal-ikel jew għall-uzu tad-dar sabiex jitqassmu lil dawn il-familji.
Il-Ħamis u l-Ġimgħa li ġej ser issir l-Assemblea tal-Arċidjocesi ta’ Malta biex jitfassal programm pastorali ġdid għad-djoċesi u wara wkoll għall-parroċċi tagħna. Inħeġġu lil kulħadd sabiex fit-talb tiegħu jagħmel intenzjoni għal din l-Assemblea. L-Assemblea tal-parroċċa tagħna ser nagħmluha fil-bidu ta’ Frar.
Novembru 2019
Avviżi – 03/11/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 3 TA’ NOVEMBRU 2019
Il-Ħamis ikun hawn l-adorazzjoni fil-knisja fis-5:45pm. Fis-7:00pm jkollna l-Lectio Divina fic-Centru Parrokkjali.
Il-Ġimgħa jkollna l-adorazzjoni fil-kappella fis-7:00pm.
Il-Ħadd il-quddiesa tal-10:00am tkun animata mit-tfal flimkien mal-ġenituri u l-katekisti. Inbierku nqassmu borża żgħira ta’ San Martin lit-tfal preżenti.
Infakkru li matul Novembru kollu il-quddiesa tas-6:30pm u r-rużarju u t-talb li jsiru qabel ikunu b’ suffraġġju għall-erwieħ ta’ dawk li intom ktibtu biex nitolbu għalihom matul dan ix-xahar. Il-formoli bl-ismijiet jinsabu fil-kaxxa apposta li hawn taħt l-altar.
Ħin tax-Xitwa
Zjara tar-Kwadru Replika – 16 sas-27 t’Ottubru
Zjara tal-Kwadru Replika tal-Madonna ta’ PInu
L-Erbgħa tibda ż-żjara fostna tal-kwadru replika tal-Madonna Ta’ Pinu. Il-kwadru jasal fil-knisja fis-5:45pm u nilqgħuh fostna permezz ta’ ċelebrazzjoni Marjana u t-talba tar-rużarju. Fis-6:30pm ikollna l-quddiesa konċelebrata mmexxija mill-Provinċjal, funzjoni tas-Salve u barka sagramentali.
Il-Ħamis jingħad ir-rużarju meditat quddiem il-kwadru tal-Madonna wara l-quddiesa tad-9:30am. Fis-6:00pm r-rużarju jingħad mill-membri tal-Leġjun ta’ Marija u wara l-quddiesa tas-6:30pm issir nofs siegħa adorazzjoni Ewkaristika mmexxija mill-Kappillan flimkien mal-Kunsill Parrokkjali u l-Grupp tal-Ħniena Divina.
Il-Ġimgħa l-kwadru ser ikun għall-qima fil-kappella Ġesu l-Ħabib. Fil-5:30pm jibda pellegrinaġġ mill-kappella bil-kwadru tal-Madonna Ta’ Pinu minn Triq Marjanu Vella. Camenzuli, San Enriku, Sant’ Elena, Manwel Dimech, Pjazza tal-Balluta, Triq Censu Tabone sal-Knisja Parrokkjali fejn fis-6:30pm ikollna l-quddiesa mmexxija mir-rettur tas-santwarju Ta’ Pinu Dun Gerald Buhagiar.
Is-Sibt wara l-quddiesa tad-9:30am jingħad ir-rużarju meditat quddiem il-kwadru tal-Madonna Ta’ Pinu. Fis-6:00pm jingħad ir-rużarju quddiem Ġesu Ewkaristija u fis-6:30pm il-quddiesa tkun immexxija mill-Arċipriet tax-Xagħra Mons. Carmelo Refalo.
Il-Ħadd il-quddiesa tal-10:00am tkun bis-sehem tat-tfal flimkien mal-katekisti u l-ġenituri. Fl-aħħar tal-quddiesa ssir ċelebrazzjoni Marjana għat-tfal u t-tfal preżenti jingħataw tifkira tal-Madonna Ta’ Pinu.
Avviżi – 20/09/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 20 T’ OTTUBRU 2019
Matul dan ix-xahar ta’ Ottubru fis-6:00pm jingħad ir-rużarju quddiem Ġesù Ewkaristija espost u tingħata l-barka sagramentali.
Din il-ġimgħa tkompli ż-żjara fostna tal-kwadru replika tal-Madonna Ta’ Pinu. It-Tnejn fil-quddiesa tad-9:30am jiġi amministrat is-sagrament tal-Grizma tal-morda.
It-Tlieta r-ruzarju u l-quddiesa tas-6:30pm ikunu animati mit-Terzjarji Karmelitani.
L-Erbgħa, l-Ħamis u l-Ġimgħa ser nagħmlu t-tridu tal-festa tad-Dedikazzjoni tal-Knisja. Fis-6:00pm ikollna r-rużarju quddiem Ġesu Ewkaristija u quddiesa bil-kant fis-6:30pm b’ riflessjoni qasira minn P. Victor Paul Farrugia O.Carm.
Is-Sibt fil-għaxija fis-6:00pm jkollna ċ-ċelebrazzjoni tal-Ewwel Għasar Solenni u l-quddiesa tas-6:30pm iċċelebrata mill-Pirjol.
Il-Ħadd, il-quddiesa tal-10:00am tkun animata mill-Grupp tal-Ħniena Divina. Fil-għaxija fis-6:00pm jkollna ċ-ċelebrazzjoni tat-Tieni Għasar Solenni u l-quddiesa tas-6:30pm iċċelebarta mill-Kappillan, li tkun ukoll l-għeluq taż-żjara tal-Madonna Ta’ Pinu fostna.
Nhar is-Sibt ukoll bejn id-9:30am u nofsinhar ser issir laqgħa għal dawk kollha mpenjati fil-ħidma tal-parroċċa, katekisti, letturi, animaturi, membri tal-korijiet, helpers tal-parroċċa u tal-knisja u membri fl-għaqdiet flimkien mal-parroċċi tal-Unita Pastorali ta’ Tas-Sliema. Ser issir fic-Centru Parrokkjali ta’ San Girgor u titmexxa minn Dun Andre Zaffarese.
Il-Ħadd li ġej ukoll it-Terzjarji Karmelitani għandhom il-kungress annwali tagħhom li ser isir fil-parroċċa ta’ Ħal-Lija fl-4:30pm. Dawk it-Terzjarji li beħsiebhom jattendu mitluba javżaw lil Patri Victor Paul jew lis-Sur Mario Attard sa nhar it-Tlieta li ġej. It-trasport jitlaq mill-Pjazza tal-Balluta fl-3:45pm.
Għadu kemm ġie ppublikat ktieb dwar l-Isqof Karmelitan Patri Redent Gauci. Dan jista’ jinxtara mis-sagristija għall-prezz ta’ € 5.
Avviżi – 13/09/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 13 T’ OTTUBRU 2019
Matul dan ix-xahar ta’ Ottubru fis-6:00pm jingħad ir-rużarju quddiem Ġesù Ewkaristija espost u tingħata l-barka sagramentali.
Minn għada t-Tnejn nibdew il-booking tal-intenzjonijiet tal-quddies fl-uffiċċju parrokkjali fil-ħinijiet li ħabbarna l-ġimgħa l-oħra. Dawn jinsabu wkoll fin-notice boards tal-parroċċa u mal-bieb tal-Uffiċċju Parrokkjali.
L-Erbgħa tibda ż-żjara fostna tal-kwadru replika tal-Madonna Ta’ Pinu. Il-kwadru jasal fil-knisja fis-5:45pm u nilqgħuh fostna permezz ta’ ċelebrazzjoni Marjana u t-talba tar-rużarju. Fis-6:30pm ikollna l-quddiesa konċelebrata mmexxija mill-Provinċjal, funzjoni tas-Salve u barka sagramentali.
Il-Ħamis jingħad ir-rużarju meditat quddiem il-kwadru tal-Madonna wara l-quddiesa tad-9:30am. Fis-6:00pm r-rużarju jingħad mill-membri tal-Leġjun ta’ Marija u wara l-quddiesa tas-6:30pm issir nofs siegħa adorazzjoni Ewkaristika mmexxija mill-Kappillan flimkien mal-Kunsill Parrokkjali u l-Grupp tal-Ħniena Divina.
Il-Ġimgħa l-kwadru ser ikun għall-qima fil-kappella Ġesu l-Ħabib. Fil-5:30pm jibda pellegrinaġġ mill-kappella bil-kwadru tal-Madonna Ta’ Pinu minn Triq Marjanu Vella. Camenzuli, San Enriku, Sant’ Elena, Manwel Dimech, Pjazza tal-Balluta, Triq Censu Tabone sal-Knisja Parrokkjali fejn fis-6:30pm ikollna l-quddiesa mmexxija mir-rettur tas-santwarju Ta’ Pinu Dun Gerald Buhagiar.
Is-Sibt wara l-quddiesa tad-9:30am jingħad ir-rużarju meditat quddiem il-kwadru tal-Madonna Ta’ Pinu. Fis-6:00pm jingħad ir-rużarju quddiem Ġesu Ewkaristija u fis-6:30pm il-quddiesa tkun immexxija mill-Arċipriet tax-Xagħra Mons. Carmelo Refalo.
Il-Ħadd il-quddiesa tal-10:00am tkun bis-sehem tat-tfal flimkien mal-katekisti u l-ġenituri. Fl-aħħar tal-quddiesa ssir ċelebrazzjoni Marjana għat-tfal u t-tfal preżenti jingħataw tifkira tal-Madonna Ta’ Pinu.
Il-formoli tal-intenzjonijiet tal-quddies għax-xahar ta’ Novembru għas-suffraġġji li jsiru kuljum fil-quddiesa tas-6:30pm jinsabu ħdejn il-bibien tal-knisja.