Avviżi -30/06/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 30 TA’ ĠUNJU 2019
Il-Ħamis ikollna l-adorazzjoni Ewkaristika fis-5:45pm u l-Lectio Divina fic-Centru Parrokkjali fis-7:00pm.
Il-Ġimgħa hija l-Ewwel Ġimgħa tax-xahar. Fis-5:45pm ikollna l-adorazzjoni mmexxija mill-Grupp tal-Ħniena Divina.
Is-Sibt ikun l-Ewwel Sibt tax-xahar. Ikollna r-rużarju meditat wara l-quddiesa tad-9:30am.
Nhar it-Tnejn 8 ta’ Lulju ser norgnizzaw Pellegrinaġġ Parrokkjali għas-Santwarju tal-Madonna Ta’ Pinu u Gozo by Night. It-tluq fl-4:00pm u l-quddiesa fis-Santwarju tkun fis-6:30pm.
Mal-Flimkien tax-xahar ta’ Lulju qed inqassmu l-envelopes tal-ġabra tal-festa tal-Madonna tal-Karmnu għall-ispejjez tal-baned mistiedna, id-dawl fit-toroq u l-insurance marbuta mal-armar u l-permessi tal-pulizija. Fil-waqt li nirringrazzjawkom mill-qalb tal-ġabra ta’ €4000 li għamilna fi Frar inħeġġukom terġgħu tkunu ġenerużi biex nifdu l-ispiża tal-festa. Biex inkopru kollox irridu niġbru €7000 oħra minbarra dak li daħal diġa’ minn fundraising. Il-ġbir ta’ dawn l-envelopes isir mill-kappillan u mill-helpers tal-parroċċa skond il-programm li hemm fl-envelopes stess.
Bħas-snin l-oħra dawk li jixtiequ jordnaw il-bukketti tagħhom għal quddiem il-vara lejliet u nhar il-festa jistgħu jagħmlu dan fl-uffiċċju parrokkjali. Barra minn hekk min jixtieq jista’ minflok il-qoffa tal-fjuri jisponsorja wieħed mill-arranġamenti tal-fjuri li bihom jitrama l-altar fil-festa.
Avviżi – 23/06/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 23 TA’ ĠUNJU 2019
It-Tnejn hija s-Solennità tat-Twelid ta’ San Ġwann il-Battista. Dakinhar fis-7:00pm ikun hawn rużarju u quddiesa organizzati mit-Terzjarji Karmelitani taż-Żurrieq waqt pellegrinaġġ li ser jorganizzaw huma għall-knisja tagħna bħala preparazzjoni għall-festa tal-Madonna tal-Karmnu.
It-Tlieta, l-Erbgħa u l-Ħamis huma Jiem tat-Tridu tal-Qalb Imqaddsa ta’ Ġesù. Matul dawn it-tliet ijiem ikollna l-adorazzjoni quddiem Ġesù Ewkaristija fis-6:00pm u quddiesa bil-kant u ħsieb qasir immexxija mill-Kappillan.
Il-Ġimgħa hija s-Solennità tal-Qalb Imqaddsa ta’ Ġesù. Wara l-quddiesa tat-7:45am nesponu lil Ġesù Ewkaristija għall-adorazzjoni fis-skiet sal-quddiesa tad-9:30am. U l-espożizzjoni tkompli wara l-quddiesa tad-9:30am sal-10:30am.
Fis-6:00pm ikollna ċ-ċelebrazzjoni tal-għasar solenni u fis-6:30pm quddiesa konċelebrata mmexxija mill-Provincjal bis-sehem tat-tfal tal-Ewwel Tqarbina. Wara jkollna l-purċissjoni b’Ġesù Ewkaristija li tgħaddi minn Triq Censu Tabone, Triq it-Torri, Triq il-Kulleġġ l-Antik, Triq Marjanu Vella, Triq Camenzuli, Triq Sant’ Anġlu, Triq Marjanu Vella sal-kappella Ġesù l-Ħabib fejn nispiċċaw bil-barka sagramentali. Inħeġġu lil kulħadd sabiex nieħdu sehem f’ din il-mixja ta’ fidi wara Ġesù Ewkaristija.
Is-Sibt hija s-Solennità tal-Appostli San Pietru u San Pawl. Għalkemm mhix festa kmandata tkun ħaġa sabiħa u tajba li min jista’ jieħu sehem fil-quddiesa. Il-ħinijiet tal-quddies ikun bħal dak ta’ matul il-ġimgħa.
Avvizi – 16/09/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 16 TA’ ĠUNJU 2019
It-Tlieta fil-5:15pm ikollna l-qrar għat-tfal tal-Ewwel Tqarbina.
Il-Ħamis ikollna l-adorazzjoni fis-5:45pm b’talb għall-vokazzjonijiet Karmelitani mmexxija minn P. Ivan Scicluna O.Carm. Il-quddiesa tas-6:30pm iqaddsu flimkien il-kappillan P. Renald, P. Ivan u P. Jurgen fl-anniversarju tal-Ordinazzjoni Saċerdotali tagħhom.
Il-Ġimgħa fis-6:00pm jkollna l-qrar għall-ġenituri tat-tfal li ser jagħmlu l-Ewwel Tqarbina. Il-quddiesa tas-6:30pm tkun bis-sehem tat-tfal flimkien mal-ġenituri.
Is-Sibt huwa Jum l-Ewwel Tqarbina tat-tfal tal-parroċċa. Fis-6:00pm t-tfal jitilqu f’purċissjoni qasira miċ-Ċentru Parrokkjali sal-Knisja fejn issir l-ewwel tqarbina fil-quddiesa tas-6:30pm.
Għid il-Ħamsin
Avviżi – 09/06/19
BALLUTA
AVVIŻI TAL-PARROĊĊA
IL-ĦADD 9 TA’ ĠUNJU 2019
Il-Ħamis ikollna l-adorazzjoni fis-5:45pm u l-Lectio Divina fis-7:00pm fiċ-Ċentru Parrokkjali.
Il-Ġimgħa fis-7:00pm ikollna l-adorazzjoni quddiem Ġesù Ewkaristija fil-kappella tal-adorazzjoni.
Il-Ħadd 16 ta’ Ġunju huwa JUM IL-PARROĊĊA. Il-quddiesa tal-10:00am tkun bis-sehem tal-għaqdiet tal-parroċċa kif ukoll bis-sehem tat-tfal flimkien mal-familji u l-katekisti bħala għeluq tas-sena kateketika. Inħeġġu lil kulħadd u b’mod speċjali lil dawk impenjati fil-ħidmiet tal-parroċċa biex nieħdu sehem f’ din il-quddiesa bħala radd il-ħajr lill-Mulej ta’ dawn il-45 sena ta’ ħidma fil-parroċċa tagħna.
Nhar il-Ħadd li ġej huwa wkoll Jum il-Missier. Għalhekk il-quddies kollu tal-Ħadd u l-quddiesa tas-Sibt fil-għaxija tkun b’suffraġġju għall-missirijet mejtin u għall-bżonnijiet tal-missirijiet ħajjin. Bħas-soltu ħdejn il-bibien tal-knisja hemm l-envelopes biex min jixtieq jista’ jikteb l-intenzjonijiet tiegħu. Dawn l-intenzjonijiet jitqiegħedu taħt l-altar dakinhar ta’ Jum il-Missier l-istess kif sar f’ Jum l-Omm.
Avviżi – 02/06/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 2 TA’ ĠUNJU 2019
It-Tlieta lejliet l-Aħħar Erbgħa tal-Madonna tal-Karmnu ser nagħmlu velja Marjana fil-Knisja Parrokkjali wara l-quddiesa tas-6:30pm biċ-ċelebrazzjoni tal-Akatisthos. Inħeġġu lil kulħadd u b’mod speċjali t-Terzjarji Karmelitani u dak li huma fl-għaqdiet u l-ħidmiet tal-parroċċa sabiex jieħdu sehem f’din iċ-ċelebrazzjoni. Għall-benefiċċju tal-anzjani ser nagħmlu trasport minn ħdejn il-kappella Ġesù l-Ħabib li jitlaq fis-6:40pm u jwassal lura lill-anzjani wara ċ-ċelebrazzjoni.
L-Erbgħa huwa l-Aħħar Erbgħa tal-Madonna tal-Karmnu. Fid-9:00am jkollna r-rużarju u l-kurunella tal-Madonna tal-Karmnu u fid-9:30am il-quddiesa tal-Aħħar Erbgħa bl-omelija fuq il-Madonna. Fl-aħħar tal-quddiesa ssir ċelebrazzjoni Marjana, u l-barka sagramentali.
Il-Ħamis ikollna l-adorazzjoni fis-5:45pm u l-Lectio Divina fis-7:00pm fiċ-Ċentru Parrokkjali.
Il-Ġimgħa hija l-Ewwel Ġimgħa tax-xahar. Fis-5:45pm ikollna l-adorazzjoni quddiem Ġesù Ewkaristija animata mill-Grupp tal-Ħniena Divina.
L-Erbgħa 12 ta’ Ġunju ser norganizzaw Ġurnata għal Għawdex b’risq il-bżonnijiet tal-parroċċa. Min jixtieq jista’ jibbukkja mill-Uffiċċju Parrokkjali jew mingħand Maria Bianco.