Avvizi -17/02/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 17 TA’ FRAR 2019
It-Tlieta nkomplu t-tberik u żjajjar fil-familji tal-parroċċa fi Triq Sir Joseph Carbone u l-Ħamis fi Triq il-Klarissi. Nibdew fil-4:45pm.
Il-Ħamis issir l-adorazzjoni Ewkaristika fis-5:45pm. Fis-7:00pm issir il-Lectio Divina fiċ-Ċentru Parrokkjali.
Il-Ġimgħa jkollna l-adorazzjoni fil-kappella fis-7:00pm.
Infakkru li fil-jiem tad-dehriet tal-Madonna f’ Lourdes, fis-7:15pm jingħad ir-rużarju fi Ġnien Indipendenza quddiem l-istatwa tal-Madonna.
Matul din il-ġimgħa nkomplu il-ġbir tal-arbural tal-festa tal-Madonna tal-Karmnu mid-djar tal-parroċċa skond il-programm li tqassam fl-envelopes u jinsab ukoll fin-noticeboards. Nirringrazzjaw mill-qalb lil dawk kollha li diġa’ taw is-sehem tagħhom. Il-Ħadd li ġej nagħtukom rendikont ta’ kemm kien dan il-ġbir
Fuljett Frar 2019
Frar 2019
IL-FEHMA TAL- PAPA – Frar 2019
Biex il-vittmi ta’ traffikar, prostituzzjoni sfurzata u vjolenza jsibu min jilqagħhom b’qalb ġeneruża.Nitlob:Mulej nitolbok sabiex tagħtini l-għajnuna ħalli niftaħ qalbi biex nisma’, biex nara u ngħin lill-persuni li kontra r-rieda tagħhom, kellhom jgħaddu minn esperjenzi li jbaxxu l-umanità tal-persuna. X’nista’ nagħmel:Nisfida lili nnifsi biex bl-ebda mod, direttament jew indirettament, ma nieħu vantaġġ fuq nies li huma f’sitwazzjoni ddisprata u biex nirraporta kull abbuż bħal xogħol sfurzat, prostituzzjoni sfurzata u vjolenza lill-awtoritajiet kompetenti.
Avviżi – 10/02/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 10 TA’ FRAR 2019
It-Tnejn niċċelebraw it-tifkira tal-Ewwel dehra tal-Madonna f’ Lourdes. Ikollna rużarju meditat aux flambuex fis-5:45pm u quddiesa kantata bi ħsieb qasir dwar il-Madonna fis-6:30pm.
It-Tlieta ssir il-laqgħa tal-Grufan fiċ-Ċentru Parrokkjali fis-7:00pm.
It-Tlieta nkomplu t-tberik u żjajjar fil-familji tal-parroċċa fi Triq Bonavita u l-Ħamis fi Triq is-Sorijiet u Triq l-Arcisqof Romero. Nibdew fil-4:45pm.
It-Tlieta wkoll issir il-ħarġa kulturali organizzata mill-Azzjoni Kattolika ghas-Santwarju tal-Madonna tal-Mellieħa. Tluq minn Triq Imrabat fit-8:30am.
Il-Ħamis l-adorazzjoni Ewkaristika fis-5:45pm tkun b’talb għall-vokazzjonijiet Karmelitani u titmexxa minn Patri Ivan Scicluna O.Carm. Fis-7:00pm issir il-Lectio Divina fiċ-Ċentru Parrokkjali.
Il-Ġimgħa jkollna l-adorazzjoni fil-kappella fis-7:00pm.
Nixtiequ navżaw lil dawk il-parruċċani li għandhom membri tal-familja tagħhom ma joħorġux jew inkella huma residenti f’xi dar tal-anzjani u kienu jgħixu fil-parroċċa tagħna biex jekk jixtiequ li nżuruhom jagħtu d-dettalji lill-kappillan fl-uffiċċju parrokkjali.
Matul din il-ġimgħa wkoll nibdew il-ġbir tal-arbural tal-festa tal-Madonna tal-Karmnu mid-djar tal-parroċċa skond il-programm li tqassam fl-envelopes u jinsab ukoll fin-noticeboards. Infakkru li dan il-ġbir imur għall-ispejjez tad-dawl tal-festa, tas-servizzi tal-baned, tal-polza tal-assikurazzjoni fuq l-armar tal-festa u l-permessi tal-pulizija. Nirringrazzjawkom bil-quddiem ta’ kull għajnuna tagħkom.