Avviżi – 27/01/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 27 TA’ JANNAR 2019
It-Tlieta nkomplu t-tberik u żjajjar fil-familji tal-parroċċa fi Triq Luqa Briffa u l-Ħamis fi Triq il-Qalb Imqaddsa. Nibdew fil-4:45pm.
Il-Ħamis ikun hawn l-adorazzjoni Ewkaristika fis-5:45pm fil-Knisja Parrokkjali. Fis-7:00pm issir il-Lectio Divina fiċ-Ċentru Parrokkjali.
Il-Ġimgħa hija l-ewwel Ġimgħa tax-xahar, għalhekk ikollna l-adorazzjoni fis-5:45pm animata mill-Grupp tal-Ħniena Divina u l-quddiesa fis-6:30pm.
Is-Sibt hija l-Festa tal-Preżentazzjoni tal-Mulej (Il-Kandlora) u l-Ewwel Sibt tax-xahar. Il-quddiesa tad-9:30am tibda bir-rit tat-tberik u l-mixgħela tax-xema’ tal-Kandlora. Wara l-quddiesa jsir ir-rużarju meditat tal-ewwel Sibt tax-xahar.
Il-Ħadd, it-Terzjarji Karmelitani jkollhom il-laqgħa tagħhom ta’ kull xahar fl-10:00am fiċ-Ċentru Parrokkjali.
It-Tnejn 11 ta’ Frar ser nagħmlu ċelebrazzjoni Marjana fit-tifkira tal-ewwel dehra tal-Madonna f’Lourdes. Ikollna rużarju meditat aux flambuex fis-5:45pm u quddiesa kantata bi ħsieb qasir dwar il-Madonna fis-6:30pm.
Mal-ħarġa tal-FLIMKIEN ta’ Frar ser inqassmu wkoll l-arbural għall-festa tal-Madonna tal-Karmnu li soltu nagħmlu fix-xahar ta’ Frar. Dan il-ġbir imur għall-ispejjez tal-armar u l-konsum tad-dawl fit-toroq, is-servizz tal-baned mistiedna, permessi u insurance tal-armar tal-festa. L-ispiża totali tammonta għal madwar 13,000 Ewro, anki minħabba li minn din is-sena l-baned kollha żiedu l-prezz tas-servizzi tagħhom. Għaldaqstant nitolbukom tgħinu mill-aħjar li tistgħu biex nagħmlu festa xierqa lill-Madonna tal-Karmnu u nifdu l-ispejjez marbuta magħha. Grazzi mill-qalb ta’ kull għajnuna li dejjem tagħtu lill-parroċċa.
Avviżi – 20/01/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 20 TA’ JANNAR 2019
It-Tlieta ser nibdew it-tberik u żjajjar fil-familji tal-parroċċa fi Triq Reggie Miller (in-naħa tan-numri bil-fard)
Il-Ħamis inkomplu it-tberik u żjajjar fi Triq Reggie Miller (in-naħa tan-numri biż-żewġ). Nibdew fil-4:45pm.
Il-Ħamis ikun hawn l-adorazzjoni Ewkaristika fis-5:45pm fil-Knisja Parrokkjali. Fis-7:00pm issir il-Lectio Divina fiċ-Ċentru Parrokkjali.
Il-Ġimgħa jkollna l-adorazzjoni fil-kappella fis-7:00pm.
Avviżi -13/01/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 13 TA’ JANNAR 2019
Il-Ħamis ikun hawn l-adorazzjoni Ewkaristika fis-5:45pm fil-Knisja Parrokkjali. Fis-7:00pm issir il-Lectio Divina fiċ-Ċentru Parrokkjali.
Il-Ġimgħa jkollna l-adorazzjoni fil-kappella fis-7:00pm.
Il-Ħadd il-quddiesa tal-10:00am tkun bis-sehem tat-tfal u tal-familji. Inħeġġu lill-ġenituri sabiex jieħdu sehem flimkien ma’ wliedhom.
L-Erbgħa ser isir Coffee Morning fiċ-Ċentru Parrokkjali fid-9:30am minn Patri Guido. Jibda bil-quddiesa fid-9:30am.
Il-Ħadd 20 ta’ Jannar il-Kummissjoni Festa ser torganizza ikla fil-Plaza Hotel f’ 12:30pm bħala ċelebrazzjoni għall-ħatra tal-kappillan u tal-familja parrokkjali, b’risq il-festa tal-Madonna tal-Karmnu. Bookings jistgħu isiru mingħand membri tal-Kummissjoni Festa.
Matul din il-ġimgħa l-uffiċċju parrokkjali ser ikun magħluq minħabba li l-kappillan ser ikun qed jieħu sehem f’laqgħa internazzjonali tal-Ordni Karmelitan għall-predikaturi.
Jannar 2019
Fuljett Jannar 2019
Avviżi – 06/01/19
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 6 TA’ JANNAR 2019
Nhar it-Tlieta sejrin nagħmlu ħarġa kulturali fejn inżuru l-knisja u l-kunvent tal-Karmelitani fl-Imdina u jkollna wkoll il-quddiesa. Inżuru wkoll il-fdalijiet u ċ-ċella tal-Qaddej t’ Alla Patri Avertan Fenech O.Carm. Min jixtieq jattendi jekk jogħoġbu jikteb ismu fil-lista apposta li hemm fis-sagristija. Tluq fid-9:00am mill-Pjazza tal-Balluta.
Il-Ħamis ikun hawn l-adorazzjoni Ewkaristika fis-5:45pm fil-Knisja Parrokkjali. Il-Ġimgħa jkollna l-adorazzjoni fil-kappella fis-7:00pm.
Il-Ħamis ukoll hija l-Festa ta’ Ġesù Ħabib. Fil-kappella Ġesù Ħabib ikun hemm il-quddiesa tal-festa fis-6:00pm.
Għas-sodisfazzjon ta’ kulħadd il-ġbir li għamilna fl-aħħar tas-sena u fl-ewwel tas-sena wara fuq iz-zuntier għad-Dar tal-Providenza kien ta’ € 1560. Il-Mulej ibierek il-ġenerozita tagħkom.