Avviżi – 30/12/18
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 30 TA’ DIĊEMBRU 2018
It-Tnejn 31 ta’ Diċembru, fil-5:30pm nesponu lil Ġesu Ewkaristija għall-adorazzjoni fis-skiet. Fis-6:00pm jkollna l-Ewwel Għasar Solenni tas-Solennità ta’ Marija Omm Alla u fis-6:30pm il-quddiesa ta’ ringrazzjament lil Alla f’għeluq is-sena 2018 li tispiċċa bit-Te Deum u l-barka sagramentali.
It-Tlieta l-1 ta’ Jannar hija s-Solennità ta’ Marija Omm Alla. Hija Festa Kmandata mhux għax l-ewwel tas-sena imma għax l-ikbar festa tal-Madonna. Il-quddies ikun bħal nhar ta’ Ħadd; 6am, 7am, 8am, 9am, 10am, 11am u 6:30pm. QUDDIESA TA’ NOFSINHAR MA JKUNX HAWN.
Il-Ħamis bħala preparazzjoni għall-bidu uffiċċjali tal-ħidma pastorali ta’ P. Renald bħala kappillan, ser imexxi quddiesa fis-6:00pm fil-Kappella Ġesù l-Ħabib u wara nofs siegħa adorazzjoni. Huma mistiedna b’mod speċjali dawk li jiffrekwentaw il-kappella u li joqgħodu fl-inħawi tal-kappella.
Il-Ġimgħa, l-Ewwel Ġimgħa tax-xahar, fis-5:45pm il-kappillan imexxi l-adorazzjoni fis-5:45pm flimkien mal-għaqdiet tal-parroċċa u l-Grupp tal-Ħniena Divina b’talb għall-bżonnijiet tal-parroċċa. Fis-6:30pm ikollna l-quddiesa bħas-soltu.
Is-Sibt 5 ta’ Jannar, l-Ewwel Sibt tax-xahar, ikollna r-rużarju meditat wara l-quddiesa tad-9:30pm. Fil-għaxija ssir iċ-ċelebrazzjoni tal-bidu tal-ħidma pastorali tal-kappillan il-ġdid li tibd fil-5:00pm billi l-baned tal-Karmnu tal-Balluta u tal-Karmnu taż-Żurrieq jakkumpanjaw lill-kappillan flimkien ma’ membri tal-għaqdiet tal-parroċċa miċ-Ċentru Parrokkjali fi Triq Scicluna, għal Triq il-Kulleġġ l-Antik, Triq Marjanu Vella, Triq Sant’ Anġlu, Triq San Neriku, Triq Sant’ Elena, Triq Manwel Dimech, Pjazza tal-Balluta sal-Knisja Parrokkjali fejn fis-6:15pm jasal fostna l-Isqof Awżiljarju Mons. Joe Galea Curmi. Fis-6:30pm tibda l-quddiesa konċelebrata li fiha Patri Renald jingħata l-ġurament tal-ħatra ta’ kappillan u jsiru r-riti liturġiċi li jfissru d-dmirijiet tal-kappillan bħala ragħaj tal-parroċċa.
Il-Ħadd 6 ta’ Jannar hija s-Solennità tal-Epifanija. Fid-9:00am jkollna l-quddiesa għat-tfal u l-familji u fis-6:30pm il-quddiesa li tagħlaq il-festi tal-Milied bir-ripożizzjoni u l-bews tax-xbieha ta’ Ġesù Bambin.
It-Tlieta 8 ta’ Jannar ser nagħmlu ħarġa kulturali li fiha nżuru l-knisja u l-kunvent tal-Karmelitani fl-Imdina fejn ikollna l-quddiesa u nżuru wkoll il-fdalijiet u ċ-ċella tal-Qaddej t’ Alla Patri Avertan Fenech Karmelitan. Min jixtieq jiġi hu mitlub jikteb ismu fil-lista li hemm apposta fis-sagristija. Tluq fid-9:00am mill-Pjazza tal-Balluta.
Avviżi – 23/12/18
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 23 TA’ DIĊEMBRU 2018
Għada t-Tnejn 24 ta’ Diċembru, Lejliet il-Milied, fis-6:00pm jkollna l-Ewwel Għasar Solenni tal-Milied u quddiesa tal-Vġili fis-6:30pm li tibda bit-translazzjoni tal-Bambin mis-sagristija sa quddiem l-istatwa titulari tal-Madonna tal-Karmnu.
Fid-9:30pm tibda l-Velja tal-Lejl tal-Milied u fl-10:30am il-quddiesa ta’ bil-lejl li tibda bit-translazzjoni tal-Bambin u l-priedka tal-Milied minn Larson Zerafa.
It-Tlieta 25 ta’ Diċembru huwa Jum il-Milied. Festa Kmandata. Il-quddies ikun fis-6:00am, 7:00am, 8:00am, 9:00am, 10:00am u 11:00am. Ma jkollniex quddiesa ta’ nofsinhar. Fis-6:00pm jkollna t-Tieni Għasar tal-Milied u l-quddiesa fis-6:30pm.
Il-Ħamis fis-7:00pm jkollna l-Lectio Divina fiċ-Ċentru Parrokkjali u l-Ġimgħa l-adorazzjoni fis-7:00pm fil-kappella.
Is-Sibt u l-Ħadd u t-Tnejn, l-aħħar tliet ijiem tas-sena, se nagħmlu ħin ta’ adorazzjoni quddiem Ġesu Ewkaristija qabel il-quddiesa tas-6:30pm. Nibdew fis-5:45pm. Imexxi l-adorazzjoni l-kappillan flimkien mal-Kummissjoni Liturġika.
Il-Ħadd 30 ta’ Diċembru hija l-festa tal-Familja Mqaddsa. Għall-quddiesa tal-10:00am qed nagħmlu stedina lill-membri tal-Grupp Familji Nsara u lil dawk il-koppji li din is-sena qed ifakkru l-10, l-20, il-25 jew il-50 anniversarju taż-żwieġ tagħhom.
Avviżi – 16/12/18
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 16 TA’ DIĊEMBRU 2018
Matul din il-ġimgħa nkomplu bin-novena tal-Milied billi kuljum fis-6:00pm ikollna t-talba ta’ fil-għaxija, il-kurunella tal-Bambin, u l-barka sagramentali. Il-quddiesa tan-novena fis-6:30pm tkun animata mill-għaqdiet u gruppi differenti tal-parroċċa.
- It-Tnejn: It-Terzjarji Karmelitani
- It-Tlieta: Il-Legion of Mary u l-Azzjoni Kattolika
- l-Erbgħa: L-abbatini u l-ġenituri tagħhom
- Il-Ħamis: Il-ministri tat-tqarbin, l-animaturi u letturi
- Il-Ġimgħa: Il-helpers tal-knisja u tal-parroċċa u dawk li jqassmu l-Flimkien.
- Is-Sibt: Il-Kummissjoni Familja, il-Kummissjoni Djakonija u l-Grufan.
It-Tnejn, it-tfal tal-katekiżmu jkollhom ċelebrazzjoni tal-Milied fic-Centru Parrokkjali fil-5:00pm fejn nagħmlu wkoll it-tberik tal-Bambini u presepji.
Il-Ħamis wara l-quddiesa tan-novena jkollna l-Lectio Divina fic-Centru Parrrokkjali.
Il-Ġimgħa wara l-quddiesa tan-novena ssir l-adorazzjoni fil-kappella.
Is-Sibt wara l-quddiesa tan-novena ser isir kuncert tal-Milied mill-Kor Parrokkjali u s-Socjeta Muzikali tal-Karmnu tal-Balluta. Kulħadd huwa mistieden.
Infakkru li bħalissa fil-Maħżen tal-armar tal-festa għaddej il-bazaar tal-Milied b’risq il-festa tal-Madonna tal-Karmnu.
Il-purcissjoni tal-Bambin ser isir nhar il-Ħadd 23 ta’ Diċembru wara l-quddiesa tal-10:00am u tintemm fil-Kappella Ġesu l-Ħabib. Inħeġġu lill-ġenituri biex jieħdu sehem flimkien ma’ wliedhom. Ser tieħu sehem ukoll il-banda tal-Balluta b’innijiet tal-Milied.
Avviżi – 09/12/18
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 9 TA’ DIĊEMBRU 2018
Nhar it-Tlieta ssir il-laqgħa tal-Grupp Familji Nsara fis-7:00pm fiċ-Ċentru Parrokkjali.
Nhar il-Ħamis ikollna l-adorazzjoni Ewkaristika fis-5:45pm fil-Knisja Parrokkjali. Fis-7:00pm fiċ-Ċentru Parrokkjali jkollna l-Lectio Divina. Fiha nitkellmu, nirriflettu u nitolbu fuq il-Vanġelu tal-Ħadd li ġej.
Il-Ġimgħa 14 ta’ Diċembru niċċelebraw il-Festa tal-Karmelitan San Ġwann tas-Salib. Inħeġġu lit-Terzjarji Karmelitani biex dakinhar jieħdu sehem fiċ-ċelebrazzjoni tal-quddiesa. Fil-kappella tal-adorazzjoni fis-7:00pm ikun hemm ukoll nofs siegħa adorazzjoni animata.
Is-Sibt 15 ta’ Diċembru ser isir Seminar dwar is-sehem tal-Lajċi fil-Knisja għal dawk kollha nvoluti fil-ħidmiet tal-parroċċa u fl-għaqdiet. Dan ser isir fiċ-Ċentru Parrokkjali bejn id-9:30am u 12:30pm flimkien mal-parroċċi l-oħra ta’ Tas-Sliema. Il-kelliem ser ikun Dun Anton Portelli. Inħeġġu ħafna lil dawn kollha sabiex jagħmlu l-almu tagħhom u jipparteċipaw anki jekk ma jistgħux ikunu preżenti matul il-ħin kollu.
Is-Sibt ukoll tibda n-novena tal-Milied. Fis-6:00pm jkollna l-kant tat-talba ta’ fil-għaxija, kurunella tal-Bambin u l-barka sagramentali. Fis-6:30pm il-quddiesa tal-ewwel jum tan-novena tkun bis-sehem tal-Kummissjoni Festa u l-membri tal-każin tal-banda tal-Balluta.
Il-Ħadd inkomplu n-novena billi fis-6:00pm jkollna l-kant tat-talba ta’ fil-għaxija, kurunella tal-Bambin u l-barka sagramentali. Fis-6:30pm il-quddiesa tat-tieni jum tan-novena tkun bis-sehem tal-katekisti tal-parroċċa.
Bħalissa fil-maħżen tal-knisja li jinsab fil-kuridur tan-niċċa tad-Duluri qed nagħmlu bazaar għall-bżonnijiet tal-parroċċa. Issibu fih bosta ħwejjeġ utli għal dan iż-żmien tal-Milied.
Bazaar ieħor tal-Milied jibda llum il-Ħadd ġewwa l-Maħżen tal-armar organizzat mill-Kummissjoni Festa b’risq il-festa tal-Madonna tal-Karmnu. L-istess Kummissjoni Festa ser torganizza t-tqassim tar-rigali lit-tfal minn Father Christmas fid-djar nhar il-Ġimgħa 21 ta’ Diċembru. Importanti li r-rigali ikunu mgeżwra u bl-isem u l-indirizz fuqhom. Dawn jistgħu jinġiebu l-uffiċċju parrokkjali jew il-maħżen tal-armar tal-festa.
Il-Ħadd li ġej ukoll il-Kummissjoni Festa ser torganizza High Tea fiċ-Ċentru Parrokkjali fis-2:00pm b’risq il-festa tal-Madonna tal-Karmnu. Biljetti mingħand il-membri tal-Kummissjoni jew l-Uffiċċju Parrokkjali.
Avviżi – 02/12/18
PARROĊĊA MADONNA TAL-KARMNU, BALLUTA
AVVIŻI TAL-PARROĊĊA
IL-ĦADD 2 TA’ DIĊEMBRU 2018
Għada t-Tnejn 3 ta’ Diċembru fis-7:00pm ser issir laqgħa għall-letturi, animaturi, ministri straordinarji tat-tqarbin u dawk kollha li jagħtu sehemhom fil-liturġija. Din se ssir fiċ-Ċentru Parrokkjali. Dawn kollha huma mħeġġa li jattendu.
Nhar il-Ħamis ikollna l-adorazzjoni Ewkaristika fis-5:45pm fil-Knisja Parrokkjali.
Il-Ġimgħa hija l-ewwel Ġimgħa tax-xahar. Għalhekk fis-5:45pm ikollna l-adorazzjoni Ewkaristika animata mill-Grupp tal-Ħniena Divina. Il-quddiesa tas-6:30pm tkun tas-Solennita tal-Immakulata Kunċizzjoni.
Is-Sibt 8 ta’ Diċembru hija s-Solennita tal-Immakulata Kunċizzjoni. Għalkemm mhix festa kmandata hija haġa sabiħa u xierqa li nagħmlu l-almu tagħna biex nieħdu sehem fil-quddiesa. Il-ħinijiet tal-quddies bħal dawk ta’ matul il-ġimgħa. Il-quddiesa tas-6:30pm tkun tal-Kunċizzjoni iżda tgħodd ukoll għall-Ħadd.
Il-bidu uffiċċjali tal-Ħidma Pastorali tal-Kappillan il-ġdid ser isir is-Sibt 5 ta’ Jannar 2019 fil-quddiesa tas-6:30pm li tkun immexxija mill-Isqof Awżiljarju u Vigarju Ġenerali Mons. Joe Galea Curmi. Il-programm taċ-ċelebrazzjoni jinsab fil-ħarġa tal-FLIMKIEN ta’ Diċembru.
Bħalissa fil-Maħżen tal-knisja qed nagħmlu Bazaar tal-Milied għall-bżonnijiet tal-parroċċa. Issibu fih diversi affarijiet utli għal dawn iż-żminijiet tal-Milied. Dan jibqa’ sejjer sa nhar il-Ħadd 9 ta’ Diċembru.
Il-Ħadd 9 ta’ Diċembru jibda Bazaar ieħor tal-Milied ġewwa l-Maħżen tal-armar organizzat mill-Kummissjoni Festa b’risq il-festa tal-Madonna tal-Karmnu. L-istess Kummissjoni Festa ser torganizza t-tqassim tar-rigali lit-tfal minn Father Christmas fid-djar nhar il-Ġimgħa 21 ta’ Diċembru. Importanti li r-rigali ikunu mgeżwra u bl-isem u l-indirizz fuqhom. Dawn jistgħu jinġiebu l-uffiċċju parrokkjali jew il-maħżen tal-armar tal-festa.