Archive for month: November 2018

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA

IL-ĦADD 25 TA’ NOVEMBRU 2018

Illum qed niċċelebraw is-Solennità ta’ Kristu Sultan tal-Ħolqien kollu.  It-trasport tal-parroċċa għaċ-ċelebrazzjoni djoċesana ta’ Kristu Re jitlaq mill-Pjazza tal-Balluta fl-4:15pm.

Il-Ħamis ikollna l-adorazzjoni Ewkaristika fis-5:45pm fil-Knisja Parrokkjali u l-Ġimgħa l-adorazzjoni Ewkaristika fis-7:00pm fil-Kappella tal-Adorazzjoni.

Nhar is-Sibt l-1 ta’ Diċembru ser isir irtir tal-Avvent immexxi Dun Carmelo Refalo għal dawk impenjati fil-ħidmiet tal-parroċċa.  Dan ser ikun organizzat mill-parroċċi ta’ Tas-Sliema flimkien mal-parroċċa tagħna fl-iskola St. Joseph Tas-Sliema mid-9:30am sa nofsinhar.  Inħeġġu ħafna lil dawk impenjati fil-parroċċa biex jieħdu sehem.  Min jixtieq jieħu sehem jista’ jħalli ismu fuq il-lista apposta li tinsab fis-sagristija.

It-Tnejn 3 ta’ Diċembru ser issir laqgħa għall-letturi, l-animaturi, il-ministri tat-tqarbin u dawk li jagħtu servizz fil-liturġija,  fis-7:00pm fiċ-Ċentru Parrokkjali.  Dawn kollha huma mitluba li ma jonqsux milli jattendu għal din il-laqgħa.

Infakkru li għal żmien il-Milied il-Kummissjoni Djakonija tal-parroċċa ser tqassam bħas-soltu xi hampers lill-familji u persuni fil-bżonn fil-parroċċa tagħna.  Ħaġa sabiħa li niftakru f’dawn ħutna li jeħtieġu l-għajnuna u ngħinuhom kif nistgħu.  Għalhekk fil-qfief li ser ikun hawn apposta fil-knisja ser niġbru oġġetti tal-ikel sabiex ngħinu lil dawn il-membri batuti tal-komunità parrokkjali tagħna.  Niftakru li HEMM AKTAR FERĦ FILLI WIEĦED JAGĦTI MILLI FILLI WIEĦED JIRĊIEVI.

Matul din il-ġimgħa l-uffiċċju parrokkjali ser ikun magħluq minħabba li l-kappillan ser ikun qed jieħu sehem fl-irtir annwali tal-kappillani.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA –

IL-ĦADD 11 TA’ NOVEMBRU 2018

Illum il-Hadd 11 ta’ Novembru huwa Jum it-Tifkira ta’ Hutna li tilfu hajjithom fl-Ewwel Gwerra Dinjija li din is-sena jahbat l-ewwel centinarju mit-tmiem taghha.  Ghalhekk illum f’nofsinhar il-qniepen tal-parrocca taghna jinghaqdu mal-knejjes kollha ta’ Malta u Ghawdex f’mota ta’ ferh biex jitfakkar dan ic-centinarju.

L-ERBGHA 14 ta’ Novembru niccelebraw il-Festa tal-Qaddisin Kollha Karmelitani, fil-waqt li l-HAMIS 15 ta’ Novembru naghmlu t-tifkira tal-mejtin kollha Karmelitani.  Haga sabiha li bhala parrocca Karmelitana min ikun jista’ jiehu sehem fil-quddiesa, b’mod specjali t-Terzjarji Karmelitani.

Il-HAMIS ukoll fis-7:00pm issir il-Lectio Divina fic-Centru Parrokkjali li fiha nirriflettu flimkien u nitolbu fuq il-Vangelu tal-Hadd li gej.

Infakkru li l-HAMIS ikun hawn l-adorazzjoni fis-5:45pm fil-Knisja Parrokkjali u l-GIMGHA l-adorazzjoni fis-7:00pm fil-kappella.  Tkun haga tajba li naghmlu li nistghu biex bhala komunita parrokkjali niehdu sehem f’xi wiehed minn dawn il-mumenti ta’ talb madwar Gesu Ewkaristija.

Il-HADD li gej il-quddiesa tal-10:00am tkun bis-sehem tat-tfal u l-familji.  Inheggu hafna lill-genituri sabiex jiehdu sehem flimkien ma’ uliedhom f’din il-quddiesa.

Il-parrocca fethet l-applikazzjonijiet ghal dawk li jixtiequ jkunu membri tal-Kummissjoni Festa Esterna. Dawn idumu miftuha sal-Gimgha 16 ta’ Novembru.  Dawk li jixtiequ jkunu helpers izda mhux membri tal-Kummissjoni jistghu ukoll jitkellmu mal-Kappillan.  L-applikazzjonijiet mill-Ufficcju Parrokkjali fil-hinijiet tal-ufficcju.

Nixtiequ wkoll nitolbu lil min jista’ joffri ftit ghajnuna fit-tindif tal-knisja li jsir kull nhar ta’ Hamis fil-ghodu.  Il-knisja hija kbira imma l-helpers huma ftit.  Min jista’ joffri ftit hin anki jekk mhux regolari ikun ta’ ghajnuna kbira biex id-dar ta’ Alla nzommuha fl-ahjar stat kif jixirqilha.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA –

IL-ĦADD 4  TA’ NOVEMBRU 2018

1. Il-HADD u t-TNEJN fl-10:00am issir il-laqgha tat-Terzjarji Karmelitani fic-Centru Parrokkjali.

2. Il-HADD ukoll fl-4:00pm ser jinghad ir-ruzarju fi Gnien Indipendenza bhala parti mill-inizjattiva Ruzarju madwar il-kosta.

3. Navzaw lit-Terzjarji Karmelitani u kull min jixtieq li nhar l-ERBGHA 7 ta’ Novembru ser inzuru l-mejtin taghna midfuna fic-Cimiterju tal-Addolorata. Nitilqu bit-trasport fid-9:00am u jkollna l-quddiesa fil-knisja tac-cimiterju.  Inkunu lura l-Balluta sa nofsinhar.  Min jixtieq jigi maghna mitlub  jikteb ismu fuq il-lista li hemm apposta fis-sagristija.

4. Infakkru li l-HAMIS ikollna l-adorazzjoni fil-Knisja Parrokkjali fis-5:45pm.

5. Il-HAMIS li gej ser inkomplu bil-Lectio Divina fic-Centru Parrokkjali fis-7:00pm. Fiha nitolbu u nirriflettu flimkien fuq il-Vangelu tal-Hadd li gej.

6. Il-GIMGHA jkollna l-adorazzjoni fil-kappella fis-7:00pm. Din il-gimgha l-adorazzjoni fil-kappella titmexxa mill-kappillan flimkien mal-Grupp tal-Hniena Divina.

7. Infakkru li tul ix-xahar ta’ Novembru, kuljum fis-5:55pm ikollna r-ruzarju u t-talb ghal hutna mejtin ghal dawk li intom ktibtu biex nitolbu ghalihom. Il-quddiesa tas-6:30pm tkun ukoll bl-istess intenzjoni.