Archive for month: August 2018

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD 26 ta’ AWWISSU 2018

• Illum hija l-festa ta’ San Ġiljan. Nawguraw il-festa t-tajba lill-Kappillan u l-kleru u l-parruċċani ta’ San Ġiljan.

• Dawk il-ġenituri li għadhom ma rreġistrawx lil uliedhom għall-katekiżmu, huma mitluba jiġu fl-uffiċċju parrokkjali fil-ħinijiet tal-uffiċċju, jew fis-sagristija nhar il-Ħadd, wara l-Quddies tal-10.00 a.m. Iridu jiġu ż-żewġ ġenituri u jġibu l-ID Cards tagħhom magħhom.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD 192 ta’ AWWISSU 2018

1. Illum hija l-festa ta’ Stella Maris. Nawguraw il-festa t-tajba lill-Arċipriet u l-kleru u l-parruċċani ta’ Stella Maris.

2. Dawk il-ġenituri li għadhom ma rreġistrawx lil uliedhom għall-katekiżmu, huma mitluba jiġu fl-uffiċċju parrokkjali fil-ħinijiet tal-uffiċċju, jew fis-sagristija nhar il-Ħadd, wara l-Quddies tal-10.00 a.m. Iridu jiġu ż-żewġ ġenituri u jġibu l-ID Cards tagħhom magħhom.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD 12 ta’ AWWISSU 2018

1. It-TLIETA, fis-7.15 p.m., fiċ-Ċentru, ssir il-laqgħa tal-Grufan.

2. L-ERBGĦA hija l-festa ta’ Santa Marija, patruna tal-gżejjer Maltin.  Dakinhar hija festa kmandata, għalhekk il-ħin tal-quddies ikun bħal ta’ nhar ta’ Ħadd.  Il-quddiesa tat-Tlieta filgħaxija tkun ukoll tal-festa ta’ Santa Marija.

3. Dawk il-ġenituri li għadhom ma rreġistrawx lil uliedhom għall-katekiżmu, huma mitluba jiġu fl-uffiċċju parrokkjali fil-ħinijiet tal-uffiċċju, jew fis-sagristija nhar il-Ħadd, wara l-Quddies tal-10.00 a.m. Iridu jiġu ż-żewġ ġenituri u jġibu l-ID Cards tagħhom magħhom.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD 5 ta’ AWWISSU 2018

1. Il-lejla, fis-7.15 p.m., fi Ġnien Indipendenza, ser jingħad ir-Rużarju quddiem l-istatwa tal-Madonna.

2. Nirringrazzjaw lil dawk kollha li kienu t’għajnuna biex stajna niċċelebraw festa sabiħa lill-patruna tagħna l-Madonna tal-Karmnu.  Il-ġabra li saret fid-dħul tal-vara fil-knisja, flimkien mad-donazzjoni tar-reffiegħa u xi donazzjonijiet oħra laħqet is-somma sabiħa ta’ €1325.50.  Grazzi tassew lil kulħadd ta’ din il-ġabra sabiħa

3. Dawk il-ġenituri li għadhom ma rreġistrawx lil uliedhom għall-katekiżmu, huma mitluba jiġu fl-uffiċċju parrokkjali fil-ħinijiet tal-uffiċċju, jew fis-sagristija l-Ħadd 12 jew il-Ħadd 19 t’Awwissu, wara l-Quddies tal-10.00 a.m.

Universali: It-Teżor tal-Familji

Biex id-deċiżjonijiet importanti li jittieħdu mill-ekonomisti u politikanti jipproteġu l-familja bħala waħda mit-teżori tal-umanità.

Mir-rapport finali tas-sinodu tal-isqfijiet dwar il-Familja (2015)

Jekk il-familja ma jkollhiex flus biżżejjed, ma tkunx tista’ tgawdi fil-qasam edukattiv,
f’attivitajiet kulturali jew fil-ħajja soċjali. Is-sitwazzjoni ekonomika tal-lum qed
iżżomm lin-nies milli jieħdu sehem fil-qasam soċjali. B’mod partikolari, il-familji
emarġinati u foqra jkollhom problemi fid-dinja tax-xogħol, u ż-żgħażagħ isibu ftit
opportunitajiet ta’ xogħol, u jekk tinħoloq opportunità ta’ xogħol, dan ikun selettiv u
prekarju. Il-ġranet tax-xogħol huma twal u ħafna drabi dawn ipoġġu ħafna piż fuq
il-familja għax ikun hemm perjodi twal fejn min jaħdem ikun ‘il bogħod mid-dar. Din
is-sitwazzjoni ma tgħinx lill-membri tal-familja bex jinġabru flimkien jew sabiex
il-ġenituri jkunu ma’ wliedhom b’mod li jkunu jistgħu jrawmu r-relazzjonijiet ta’
bejniethom kuljum. “Biex tikber il-ġustizzja” jeħtieġ li jkun hemm “deċiżjonijiet,
programmi, mekkaniżmi u proċessi li jkunu immirati speċifikament biex ikun hemm
tqassim aħjar tad-dħul finanzjarju; b’hekk il-kampanja biex il-fqar itejbu l-pożizzjoni
tagħhom tkun iktar effettiva. Hemm bżonn ta’ politika aħjar favur il-familja jekk irridu
li fil-futur il-familja tkun tista’ tgħix b’mod armonjuż u dinjituż.

Mulej, il-Papa jixtieq li matul dan ix-xahar nitolbu
sabiex l-ekonomisti u politikanti jipproteġu l-familja
bħala waħda mit-teżori tal-umanità.
Mulej, nitolbuk sabiex tagħtihom id-dehen
ħalli jagħrfu li l-ordni soċjali u l-progress
għandhom jaħdmu favur il-bniedem, ….favur il-ġid tiegħu
u mhux bil-kuntrarju; għax, kif kien qal Ġesù:-
is-Sibt kien maħluq għall-bniedem u mhux bil-kuntrarju.
Mulej, agħtina l-għajnuna biex aħna nagħrfu
l-importanza tal-familja fil-ħajja umana.
Tassew li x-xogħol huwa importanti għall-ġid tal-familja,
imma nistgħu nsibu ruħna f’sitwazzjoni fejn il-familja
ma tkunx tista’ tiltaqa’ flimkien,
fejn l-ulied jitrabbew mingħajr il-preżenza ta’ xi wieħed mill-ġenituri,
jekk mhux mingħajr il-preżenza tat-tnejn.
Mulej, minħabba l-ħajja li qed ngħixu llum,
il-familji żgħażagħ qed ikollhom jitgħabbew bid-dejn,
u biex iħallsuh bil-fors ikollhom jaħdmu t-tnejn.
Agħti, Mulej, id-dehen lil min għandu s-saħħa u l-poter
biex jgħaddi miżuri u liġijiet li jgħinu lill-familji,
speċjalment lil dawk il-familji li qegħdin fil-bżonn,                                                                                                    u lil dawk il-familji li għadhom irabbu lil uliedhom.
Nitolbuk sabiex tiftħilna għajnejna ħalli
ma naqgħux vittmi ta’ din is-soċjetà konsumista,
soċjetà li twarrab lill-batut, lill-fqir, lill-emarġinat,
u fuq kollox lil min jipprova jgħix il-valuri nsara.
Għin, Mulej, lil dawk l-ommijiet li, biex ilaħħqu mal-ħajja,
ikollhom imorru lura x-xogħol bil-fors
anke meta wliedhom ikunu għadhom trabi.
Mulej, agħti l-għajnuna tiegħek ukoll lil dawk in-nisa
li jiddeċiedu li jibqgħu d-dar ħalli jieħdu ħsieb uliedhom huma,
u mhux jafdawhom f’idejn barranin fiċ-child care centres.
Għinhom, Mulej, għax ħafna drabi jkunu l-mira tad-disprezz tal-oħrajn.
Agħtihom il-kuraġġ sabiex ma jċedux għall-pressjoni tal-oħrajn
u biex ma jħossuhomx imwarrba.