Archive for month: July 2018

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD 29 ta’ Lulju 2018

1. IL-LEJLA 45: Għasar tal-Madonna tal-Karmnu.

18.15: Quddiesa.  (minflok fis-6.30 p.m.)

19.30: Purċissjoni bil-vara tal-Madonna tal-Karmnu mmexxija mill-Pirjol, P. Charles Mallia.  Fil-purċissjoni tingħad it-talba tar-Rużarju.  Il-purċissjoni tgħaddi minn dawn it-toroq:  Triq il-Kbira, it-Torri,  il-Kulleġġ L-Antik, P. Marjanu Vella, S. Anġlu, S. Enriku, S. Elena, Manwel Dimech, Pjazza tal-balluta, lura għall-knisja. Nappellaw biex minn fejn tgħaddi l-purċissjoni ma jitħallewx karozzi pparkjati għax jiġu ttowjati.

22.30: Dħul tal-vara tal-Madonna tal-Karmnu fil-Knisja Parrokkjali, kant tal-antifona Flos Carmeli u Barka Sagramentali.

2. Il-ĠIMGĦA hija l-ewwel Ġimgħa tax-xahar. Fis-5.45 p.m. ikun hawn adorazzjoni mmexxija mill-Grupp tal-Ħniena Divina.

3. IS-SIBT, wara l-Quddiesa tad-9.30 am, jkun hawn ir-Rużarju Meditat.

4. IS-SIBT ukoll, ser issir l-ordinazzjoni episkopali tal-Isqof Awżiljarju l-ġdid ta’ Malta, Mons. Joseph Galea-Curmi, fil-Katidral tal-Imdina. Il-Quddiesa tibda fis-7:00pm. Nitolbu għal Mons. Galea Curmi biex il-Mulej jgħinu f’din ir-responsabbiltà ġdida fdata lilu mill-Papa Franġisku.

5. Ħarġet ir-rivista FLIMKIEN li fiha l-fuljett Tal-Karmnu, Balluta. Il-helpers mitluba jiġbru l-kopji tagħhom mis-sagristija.

6. Nirringrazzjaw lil dawk kollha li għenu fit-tħejjijiet għall-Festa, kemm fil-Knisja u kemm barra fit-toroq. Nappellaw biex il-lejla, wara l-purċissjoni, min jista’ jagħti l-għajnuna tiegħu, imqar għal ftit ħin, din tiġi apprezzata ħafna.

7. IL-KOMUNITÀ KARMELITANA tawgura l-Festa t-Tajba lilkom u l-familji tagħkom.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD 22 ta’ Lulju 2018

1. IT-TNEJN, fl-10.15 a.m. Quddiesa għall-morda u l-anzjani, li fiha jiġi amministrat is-Sagrament tal-Grizma tal-Morda. Fis-6.30 p.m. Quddiesa li fiha ssir il-vestizzjoni u l-professjoni tat-Terzjarji Karmelitani.

2. IT-TLIETA, Fis-6.30m. Quddiesa bis-sehem tal-familji u t-tfal bil-priedka dwar il-Madonna minn Gabriel Fonde.
3. L-ERBGĦA, L-ĦAMIS U L-ĠIMGĦA huma ġranet ta-Tridu. Fit-Tridu jippriedka P. Victor Paul Farrugia Karmelitan.

4. L-ERBGĦA, fis-5.45 p.m. Preżentazzjoni tat-trabi lill-Madonna bis-sehem tal-familji li kellhom tarbija matul din is-sena.

Fis-6.30 p.m. Quddiesa li għaliha huma mistiedna dawk il-koppji li din is-sena qed jiċċelebraw il-25, 30, 40 50 u 60 sena taż-Żwieġ.  Ser imexxi P. Kurt Mizzi, saċerdot novell Karmelitan.  Nirringrazzjaw lill-Mulej flimkien miegħu u nitolbu għalih.

5. IL-ĦAMIS Fis-6.30 p.m. Quddiesa bis-sehem tal-Animaturi u l-Letturi u l-Ministri Straordinarji tat-Tqarbin. Fiha l-Letturi u l-Ministri Straordinarji tat-Tqarbin iġeddu l-impenn tagħhom.

6. IL-ĠIMGĦA fis-6.30 p.m. Quddiesa li fiha jsir talb għal dawk li mietu mill-festa li għaddiet ‘l hawn. Mistiedna l-qraba tagħhom.

7. IS-SIBT fid-9.30m. Quddiesa li fit-tmiem tagħha jitkanta r-radd il-ħajr ‘l Alla.

5.45 p.m. Għasar tal-Madonna tal-Karmnu.

6.30 p.m. Transulazzjoni u Quddiesa Solenni ta’ Lejliet il-Festa, immexxija mill-Pirjol,  Patri Charles Mallia.

8. IL-ĦADD, nhar il-festa, Quddies: 6.00, 7.00, 8.00, 9.00, 11.00 u 12.00.

09.00: Quddiesa Prinċipali tal-Festa mmexxija mill-W.R.P. Alexander Vella, Provinċjal tal-Karmelitani b’radd ta’ ħajr f’għeluq is-600 sena tal-preżenza tal-Patrijiet Karmelitani f’Malta.  Ma jkunx hawn Quddiesa tal-10.00 a.m.

17.45: Għasar tal-Madonna tal-Karmnu.

18.15: Quddiesa.  (minflok fis-6.30 p.m.)

19.30: Purċissjoni bil-vara tal-Madonna tal-Karmnu mmexxija mill-Pirjol, P. Charles Mallia.  Fil-purċissjoni tingħad it-talba tar-Rużarju.

22.30: Dħul tal-vara tal-Madonna tal-Karmnu fil-Knisja Parrokkjali, kant tal-antifona Flos Carmeli u Barka Sagramentali.

Nappellaw biex minn fejn tgħaddi l-purċissjoni ma jitħallewx karozzi pparkjati.  Dawn jiġu ttowjati spejjeż tas-sidien.

Min jixtieq joffri bukkett lill-Madonna, jista’ jikteb ismu fis-sagristija.  Min irid jista’ jagħti offerta għall-fjuri ta’ fuq l-artal fil-festa.

INĦEĠĠU LIL KULĦADD BIEX JIEĦU SEHEM FIT-TĦEJJIJIET GĦALL-FESTA TAL-PATRUNA TAGĦNA L-MADONNA TAL-KARMNU.

PARROĊĊA MADONNA TAL-KARMNU, BALLUTA
AVVIŻI TAL-PARROĊĊA – IL-ĦADD 15 ta’ Lulju 2018

1. Din il-ġimgħa ntemm il-ġbir tal-envelopes mid-djar għall-festa
parrokkjali. Min ma kienx id-dar u jixtieq jagħti l-offerta tiegħu
jista’ jġibu l-knisja u jgħaddih lil xi ħadd mill-patrijiet.

2. GĦADA, 16 ta’ Lulju, fl-10.00 a.m., bħala Karmelitani ser
niċċelebraw għeluq is-600 sena tal-Miġja tal-Karmelitani f’Malta.
Ser ikun hawn fostna il-Pirjol Ġenerali tagħna li ser imexxi
Konċelebrazzjoni fis-Santwarju tal-Madonna tal-Karmnu l-Belt,
f’nhar il-Festa tal-Karmnu. Min jixtieq jingħaqad magħna għal din
l-okkażjoni sabiħa ta’ radd il-ħajr qed noffru trasport dirett għas-
Santwarju li jitlaq mill-Balluta fid-9.00 a.m. Min jixtieq jiġi jikteb
ismu fis-sagristija.
FILGĦAXIJA, fis-7.30 p.m. toħroġ Purċissjoni bl-istatwa devota
tal-Madonna tal-Karmnu l-Belt.
Fit-8.00 p.m., fi Ġnien l-Indipendenza jingħad ir-Rużarju quddiem
l-istatwa tal-Madonna.

3. IT-TLIETA, fis-7.15 p.m., fiċ–Ċentru ssir il-laqgħa tal-Grufan.

4. IL-ĠIMGĦA, nagħtu bidu għall-programm tal-festa titulari tal-
Madonna tal-Karmnu. Dak inhar, wara l-Quddiesa tas-6.30 p.m.
ikun hawn adorazzjoni. L-operaturi pastorali kollha huma mħeġġa
jinġabru ħalli nitolbu flimkien għall-ġid spiritwali tal-festa.

5. IS-SIBT, il-Quddiesa tas-6.30 p.m. tkun bis-sehem tal-membri tal-
Kummissjoni Festa Esterna u tas-Soċjetà Mużikali Tal-Karmnu
Balluta. Waqt il-Quddiesa jingħata l-mandat lir-reffiegħa talistatwa.
Wara l-Quddiesa isir il-ħruġ tal-istatwa titulari tal-
Madonna tal-Karmnu min-niċċa.

6. Min jixtieq jordna bukketti jew jagħti offerta għall-fjuri għall-festa
jista’ jibbukkja fis-sagristija.

 PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  – IL-ĦADD  08 ta’ Lulju 2018

1. Il-ĠIMGĦA ser issir MANIFESTAZZJONI MARJANA organizzata mil-Leġjun ta’ Marija. Din ser tibda fis-7.00 p.m., minn ħdejn it-Torri sal-knisja parrokkjali.  Wara ser ikun hawn Quddiesa mmexxija minn Mons. Pawl Cremona, Arċisqof Emeritu.  Nimxu flimkien ma’ Marija f’dan ix-xahar iddedikat lill-Madonna tal-Karmnu u nitolbu għall-ħtiġijiet tal-familji tagħna u ta’ pajjiżna.

2. Matul din il-ġimgħa jkompli l-ġbir tal-envelopes mid-djar għall-festa parrokkjali mill-Prokuratur tal-festa. Il-ġabra sservi biex jitħallsu l-ispejjeż tal-istallazzjoni u l-konsum tad-dawl fil-ġimgħa tal-festa u l-ħlas ta’ erba’ mill-baned li jsiru fil-ġimgħa tal-festa.  Napprezzaw ħafna l-għajnuna tagħkom ħalli niċċelebraw festa li tixraq lill-Patruna tagħna, l-Madonna tal-Karmnu.

3. Nerġgħu nfakkru fir-reġistrazzjoni tat-tfal għall-katekiżmu.  Infakkru li minħabba l-liġi l-ġdida tal-protezzjoni tad-data, it-tfal kollha għandhom ikunu reġistrati u mhux biss dawk li ser jibdew jattendu għall-ewwel darba.  Ir-reġistrazzjoni għandna ssir miż-żewġ ġenituri flimkien fl-uffiċċju parrokkjali. Din is-sena, it-tagħlim ser isir biss fiċ-Ċentru Parrokkjali.  Nitolbukom ma  tħallux għall-aħħar biex inkunu nistgħu norganizzaw il-klassijiet tal-katekiżmu.

4. IT-TNEJN 16 ta’ Lulju, fl-10.00 a.m., bħala Karmelitani ser niċċelebraw għeluq is-600 sena tal-Miġja tal-Karmelitani f’Malta. Ser ikun hawn fostna il-Pirjol Ġenerali tagħna li ser imexxi Konċelebrazzjoni fis-Santwarju tal-Madonna tal-Karmnu l-Belt, f’nhar il-Festa tal-Karmnu.  Min jixtieq jingħaqad magħna għal din l-okkażjoni sabiħa ta’ radd il-ħajr qed noffru trasport dirett għas-Santwarju li jitlaq mill-Balluta fid-9.00 a.m.  Min jixtieq jiġi jikteb ismu fis-sagristija.

Il-Qassisin u l-Ministeru Pastorali Tagħhom

Sabiex dawk il-qassisin li jħossuhom għajjiena u weħidhom fix-xogħol pastorali tagħhom isibu għajnuna u serħan fl-intimità tagħhom mal-Mulej u fil-ħbiberija tagħhom ma’ ħuthom il-qassisin.