Archive for month: November 2017

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  IL-ĦADD 26 ta’ NOVEMBRU 2017

1. IT-TNEJN ser tinfetaħ id-dokumentazzjoni miġbura fl-Inkjesta Djoċesana għall-Kawża ta’ ħuna l-Qaddej ta’ Alla, P. Avertan u mibgħuta mill-Arċidjoċesi għand il-Kongregazzjoni għall-Kawżi tal-Qaddisin. Inkomplu nitolbu biex Alla jxerred il-grazzji tiegħu bl-interċessjoni ta’ P. Avertan u għall-Beatifikazzjoni u l-Kanonizzazzjoni tiegħu.

2. IL-ĦAMIS fiċ-Ċentru Titu Brandsma, fis-7.15 p.m. ikomplu s-serje ta’ laqgħat bl-isem ta’ LIFE IN THE SPIRIT SEMINARS miftuħa għal kull min jixtieq jikber fil-ħajja nisranija tiegħu.

3. IL-ĠIMGĦA, fit-3.30 p.m., fiċ-Ċentru Titu Brandsma, ser jibdew serje ta’ 3 laqgħat dwar ikel tajjeb għas-saħħa minn nutritionist professjonali. Min jixtieq jattendi jista’ jipprezenta ruħu dak inhar stess.

4. IS-SIBT filgħodu tiltaqa’ l-Kummissjoni Liturġika.

5. IS-SIBT, il-Quddiesa tas-6.30 p.m. ser tkun animata mill-Grupp Footprints li mbagħad ikomplu mument qasir ta’ adorazzjoni wara l-Quddiesa.

6. IS-SIBT U L-ĦADD li ġej fid-Djoċesi ta’ Malta ser isir Ċensiment tal-Quddies.

7. KULL NHAR TA’ TLIETA U KULL NHAR TA’ ĠIMGĦA, fis-6.00 p.m., fiċ-Ċentru jsiru provi tal-kant għall-membri tal-KOR PARROKKJALI. Min jixtieq ikun membru biex jagħti sehmu fis-servizz tal-kant jista’ jkellem lil Marie Therese Vassallo.

8. Minn ħdejn il-bieb tal-ġenb tal-knisja, wieħed jista’ jakkwista kopja tal-kalendarju tal-Missjoni tas-sena d-dieħla. Dan huwa għajnuna oħra għall-missjoni.

9. Ħdejn l-artal poġġejna żewġ t’iqfief li fihom tistgħu tqegħdu affarijiet ta’ ikel preservat bħala karità għal żmien l-Avvent, biex il-Kummissjoni Djakonija tkun tista’ tqassamhom lill-persuni fil-bżonn.

Fid-19 ta’ Novemberu tħabbret il-mewt ta’ P. Robert Farrugia, Karmelitan, membru tal-Komunita’ Karmelitana tal-Balluta.  Il-funeral sar isir it-Tnejn 20 ta’ Novembru, fis-2.15 pm., fil-Knisja Parrokkjali tal-Balluta. Ilu sentejn u nofs il-Balluta fejn għamel diversi ħbieb u ħidma pastorali.  Imma bil-mod il-mod saħħtu bdiet tmur lura u daħal u ħareġ diversi drabi l-Isptar. Dawn l-aħħar xhur kien miġbur fil-kamra tiegħu. Il-bieraħ huwa stess talab għall-Griżma tal-Morda. Inġbaret madwaru l-komunita’ kollha u segwiehom f’kollox. Tawh l-assoluzzjoni u rċieva l-Ewkaristija. Kien kuntent u ppreparat biex jiltaqa’ mal-Mulej. Fit-3.15 am, l-Mulej sejjaħlu biex jingħaqad miegħu għal dejjem. Grazzi Mulej tal-ħajja u d-dedikazzjoni tiegħu. Agħtih Mulej il-mistrieħ ta’ dejjem.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  IL-ĦADD 19 ta’ NOVEMBRU 2017

1. IT-TLIETA fit-3.30 p.m., fiċ-Ċentru, jintemmu l-eżerċizzji tal-fiżjoterapija għal persuni ‘l fuq minn 60 sena.

2. L-ERBGĦA, fid-9.00 a.m. it-Terzjarji Karmelitani qed jorganizaw Quddiesa fil-Kappella taċ-Ċimiterju tal-Addolorata u wara jkollhom ħin iżuru l-qraba tagħhom. Min jixtieq jingħaqad mat-Terzjarji jista’ jikteb ismu fis-sagristija.

         Dak inhar fid-9.30 a.m., l-Azzjoni Kattolika qed jorganizzaw trasport biex issir żjara lill-anzjani f’San Vinċenz de Paule.  Min jixtieq jingħaqad magħhom jikteb ismu fis-sagristija.

3. IL-ĦAMIS fiċ-Ċentru Titu Brandsma, fis-7.15 p.m. ikomplu s-serje ta’ laqgħat bl-isem ta’ LIFE IN THE SPIRIT SEMINARS miftuħa għal kull min jixtieq jikber fil-ħajja nisranija tiegħu.

4. IL-ĠIMGĦA, fl-10.00 a.m. ser issir attività ta’ fundraising b’risq il-Knisja li tibda b’Quddiesa u tkompli f’lukanda Buġibba. Biljetti mill-uffiċċju parrokkjali jew mingħad Doris Mallia.

5. IL-ĠIMGĦA u s-S-SIBT ser tiltaqa’ l-Assemblea Djoċesana bit-tema ‘L-Evanġelizzazzjoni u d-Djakonija.’ Fl-Assemblea, flimkien mal-Arċisqof, jiltaqgħu rappreżentanti tal-oqsma differenti tal-Knisja f’Malta. Nitolbu biex l-Assemblea Djoċesana tħalli l-frott fil-ħidma pastorali tal-Knisja f’Malta.

6. IS-SIBT, wara l-Quddiesa tas-6.30 p.m. ser ikun hawn Kunċert bl-Orgni u bil-Flawt bħala parti mill-Festival Internazzjonali tal-Orgni.

7. IL-ĦADD li ġej hija l-Festa ta’ Kristu Re. Il-Quddiesa tad-9.00 a.m. ser tkun trasmessa fuq TVM.  Dak inhar, fil-Knisja Parokkjali ta’ S. Venera, Mons. Arċisqof, fil-5.00 p.m. ser imexxi  t-Talba ta’ filgħaxija u wara jagħmel diskors tal-okkażjoni. Ser jiġi organizzat trasport apposta.  Min jixtieq jingħaqad magħna, it-trasport jitlaq fl-4.15 p.m.

8. Fil-ġimgħat li ġejjin se jintlaqgħu applikazzjonijiet għad-dħul ta’ tfal fl-iskejjel tal-knisja f’Settembru 2018 mingħand dawk li huma impjegati fi skola tal-knisja, għandhom ħuthom fi skola tal-knisja, dawk li qegħdin fi skola tal-knisja li ma tkomplix. Applikanti oħra minn skejjel tal-gvern u indipendenti jkunu jistgħu japplikaw f’Jannar u Frar.  Informazzjoni dettaljata minn fuq il-website tal-kurja jew minn fuq in-notice board tal-knisja.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  IL-ĦADD 12 ta’ NOVEMBRU 2017

1. ILLUM, fit-3.30 p.m., fiċ-Ċentru Titu Brandsma ser issir attività speċjali għall-familja kollha. Waqt li l-adulti jkollhom FILM FORUM tal-film COURAGEOUS, it-tfal ser ikollhom grupp ta’ animators mill-Valletta 18. Il-film għandu messaġġ sabiħ ħafna dirett speċifikament għall-familja.  Inħeġġu ħafna l-familji u kull min irid biex jattendi għal din l-attività.

2. IT-TNEJN, fis-7.00 p.m., fiċ-Ċentru jkun hemm it-tħejjija tal-Vanġelu tal-Ħadd li ġej.

3. IT-TLIETA u l-ĠIMGĦA, fit-3.30 p.m. jkomplu l-eżerċizzji tal-fiżjoterapija fiċ-Ċentru, għal persuni ‘l fuq minn 60 sena.

4. KULL NHAR TA’ TLIETA U KULL NHAR TA’ ĠIMGĦA, fis-6.00 p.m., fiċ-Ċentru jsiru provi tal-kant għall-membri tal-KOR PARROKKJALI. Min jixtieq ikun membru biex jagħti sehmu fis-servizz tal-kant jista’ jkellem lil Marie Therese Axiak.

5. IL-ĦAMIS ikomplu s-serje ta’ laqgħat bl-isem ta’ LIFE IN THE SPIRIT SEMINARS miftuħa għal kull min jixtieq jikber fil-ħajja nisranija tiegħu. Is-Seminars qed isiru bil-Malti imma ser ikun hemm grupp għal min jippreferi l-Ingliż.  Il-laqgħat isiru fiċ-Ċentru Titu Brandsma, u jibdew fis-7.15 p.m. 

6. IL-ĠIMGĦA, fiċ-Ċentru, fis-7.15 p.m. issir il-laqgħa tal-GRUFAN.

7. Bħal kull sena, il-Knisja qiegħda tappella għall-ġenerożità tal-membri tagħha biex jgħinuha tipprovdi l-mezzi  finanzjarji biex l-iskejjel tal-Knisja f’Malta jkunu jistgħu jkomplu jaqdu u jġibu ’l quddiem il-missjoni tagħhom ta’ edukazzjoni ta’ eluf ta’ tfal u żgħażagħ. Għal dan il-għan, il-ġbir kollu li jsir fil-quddies tas-Sibt filgħaxija u tal-Ħadd, 18 u 19 ta’ Novembru, se jmur għall-Fond tal-Iskejjel tal-Knisja.

PARROĊĊA MADONNA TAL-KARMNU, BALLUTA

AVVIŻI TAL-PARROĊĊA  IL-ĦADD 5 ta’ NOVEMBRU 2017

1. IL-LEJLA, fl-4.00 p.m. jingħad ir-Rużarju quddiem il-Madonna fi Ġnien l-Indipendenza.

2. IT-TNEJN, fis-7.00 p.m., fiċ-Ċentru jkun hem il-lectio divina.

3. IT-TLIETA u l-ĠIMGĦA jkomplu l-eżerċizzji tal-fiżjoterapija fiċ-Ċentru, fit-3.30 p.m. għal persuna ‘l fuq minn 60 sena.

4. IL-ĦAMIS ser jibdew serje ta’ seba’ laqgħat bl-isem LIFE IN THE SPIRIT SEMINARS miftuħa għal kull min jixtieq jikber fil-ħajja nisranija tiegħu. Min attenda għal Seminars bħal dawn qal li kienet esperjenza qawwija tal-Ispirtu s-Santu li biddlitlu ħajtu.  Aħna mħeġġin nilqgħu l-istedina li kapaċi tibdillek ħajtek.  Il-laqgħat ser isiru kull nhar ta’ Ħamis fiċ-Ċentru Titu Brandsma, Triq Scicluna u jibdew fis-7.15 p.m.  Min beħsiebu jattendi jikteb ismu fis-sagristija.

5. IL-ĠIMGĦA, wara l-Quddiesa, fil-Kappella tal-Adorazzjoni ser issir Adorazzjoni bħala talb speċjali għall-Vokazzjonijiet Karmelitani. Dan it-talb ikompli fil-Quddies tas-SIBT u L-ĦADD.

6. IL-ĦADD, fit-3.30 p.m., fiċ-Ċentru Titu Brandsma ser issir attività speċjali għall-familja kollha. Waqt li l-adulti jkollhom FILM FORUM tal-film COURAGEOUS, it-tfal ser ikollhom grupp ta’ animators mill-Valletta 18.  Il-film għandu messaġġ sabiħ ħafna dirett speċifikament għall-familja.  Inħeġġu ħafna tal-familji u kull min irid biex jattendi għal din l-attività.

7. Matul ix-xahar ta’ Novembru, il-Quddies kollu ta’ filgħaxija jkun għall-Erwieħ li intom tikbru fil-Kurċjata ta’ Talb għall-Erwieħ. Fis-5.55 p.m. jingħad ir-Rużarju u t-talb għall-Erwieħ.  Min jixtieq jikteb lill-għeżież tiegħu jista’ jieħu envelope, jimla’ l-formola apposta u jgħaddieha lil xi wieħed mir-reliġużi.